May 27, 2025, 07:37 PM: Itu Sumi Aphuyemi Baptist Akukuhou Kuqhakulu (SABAK) and itu Kohnoma Baptist Church (KBC) para ekta Friendship Fellowship celebrate kurishey, KBC, May 25th tey.
Itu fellowship laga objective toh hoiley relationship renew kuriboley laga thakishey, itu Aphuyemi people aru Khonoma people majetey, itu jawan generation ke educate kuriboley, tai khan laga share kuria laga history opor tey, aru spiritual legacy ke majbut kuriboley karney aru dui jon majetey bond khan majbut kuriboley.
Rev. Dr. Hotokhu P Zhimomi, Secretary, Mission & Evangelism, SABAK para history aru significance opor tey share kurishey, Khonoma citizen khan laga, kun para toh hoiley gospel preach kurishey, Sumi Aphuyemi area khan tey.
Tai para special para Rev. Megoseiso Savino aru Janikho ke mention kurishey, kun khan toh hoiley 1945 tey Chishilimi village tey aha laga thakishey, tai khan para itu Sub-Mission Centre tey serve kurishey aru itu alag alag bosti khan Pughoboto area aru Khonoma bosti laga majetey laga history opor tey elaborate kurishey.
Ighanumi Village laga Nikato Swu, GB aru kun toh hoiley Khonoma bosti laga jamai asey, tai para bhi itu duita majetey relationship toh majbut kuriboley laga importance opor tey bhi kotha kurishey.
Add Comment