Press Release: Security Force Khan Hatiyar Khan Aru Guli Khan Dhuriboley Parishey, Manipur Tey

October 29, 2024, 07:25 PM : Successful para joint operation khan continue kuri jai kena, Indian Army aru Assam Rifles para kunba joint operation khan launch kurishey, Manipur Police logotey aru alag security force khan logotey mili kena. Itu successful operation kuria pichetey tatey 22 hatiyar khan dhuriboley parishey, kotey Improvised Explosive Device

(IED), ammunition aru alag war tey chula saman khan, dhuriboley parishey, hill aru valley district tey para bhi , Imphal East laga, Imphal West laga, Churachandpur, Kangpokpi aru Thoubal tey para, Manipur state tey.

21^st October 2024 tey, itu Army, Assam Rifles aru Manipur Police para ekta .303 Sniper Rifle, ekta 9mm Carbine Machine Gun, ekta 9mm Pistol, ekta Single Barrel Breech Loading Gun, Grenade, guli khan aru alag war tey chulawa saman khan, itu jungle-jungle jaga tey para, Laimaton aru Aigejang majetey, Kangpokpi District tey.

25^th October, 2024 tey, duita .303 rifles, duita .22 mm semi-automatic rifles, ekta dangor haath para banawa laga mortor (pompi), ekta 12 Bore Pistol aru guli khan bisari kena dhuriboley parishey, Teibung village, Churachandpur District tey para joint operation khan kuria homoi tey. Eneka hey Uyungmakhong village, Bishnupur District tey para Army, Manipur Police aru CRPF para ekta SLR rifle, ekta IED 2,4 Kg laga, Grenade khan aru war tey chulawa saman khan nishina paishey.

Shantipur Makha Leikai Shamushang tey para ekta single barrel bore rifle, duita 9mm pistol khan, grenade khan, aru guli khan recover kuriboley parishey, Imphal West tey para, ekta joint  operation tey, Assam Rifles, CRPF aru Manipur Police khan milai kena. 

Itu dhuriboley para saman khan toh hoiley Manipur laga Police laga haath tey di dishey, tai khan para dispose kuridiboley karney.