Primetime Emmy Awards laga 2020 edition tuh online thakibo

July 31, 2020. Etu saal, 72nd Primetime Emmy Awards tuh coronavirus nemite virtually thakibole ase koishe. Etu kotha tuh annual award ceremony laga nominations junai deya beche koishe. Hosa te Ceremony tuh  Microsoft Theater te thaki boli thakishe, hoilebi etai tuh United States chaka sob te actor’s khan laga ghor para he loboli ase. Etu tuh September 20 darik te thakibo koishe. Variety hesab te, Emmy laga executive producers aro host  Jimmy Kimmel para acting nominees khan sob ke letter botaishe aro tai khan sob ke nejor laga ghor para ceremony te part loboli janai thishe.  “Ami khan para technicians team, producers aro writes khan ke jama kurikena Jimmy Kimmel aro tui khan aro team logot kam kuriboli thibo. Etu para ami khan tui khan laga ghor manuh nohoile kuan logot thakibo sob ke film lobo aro chaka tuh tui khan laga kushi ase. “ami khan para tui khan ke bhal/sundor thiki boli thibo— aro moi khan sobse bhal technology neshina – bhal camera aro lighting jaikena tui khan ke screen te alak thikabo” koikena letter te lekishe. Tai khan para koishe ke, Duniyaa tuh challenging samay te jaiase, aro Emmys neshina te manuh sob jama kura tuh safe nai koishe. “ami khan para event tuh warmth aro humanity te bonabo, television laga takot para sob manuh ke melai thikena celebrate kuribo aro duniyaa tuh shape te anibo. Letter para aro koishe ke, etu story te apuni khan tuh essential part ase. Dress code oper te, letter para aro koishe ke, nominees khan para theme laga ceremony oper te khusi lagabo. “tui khan formal lagaboli mon hoile kushi ase, ami khan be boson ase. Letter te signed kura tuh- – Kimmel aro tai logot executive producers Reggie Hudlin, Ian Stewart, Guy Carrington aro telecast producer Done+Dusted para David Jammy thakishe.