Prince William ke April te coronavirus positive paishe

November 2, 2020. April moina te Britain laga Prince William logot novel coronavirus paikena thakish, hoilebi lokai thakishe koikena Sun newspaper para khobor janaishe. Khobor hesab te, William toh Queen Elizabeth laga grandson ase aro tai British throne loboli tuita wala line te ase. Tai desh ke alarm koribo natibo nemite tai bemar thurishe kowa nai. “desh te besi tangor kam jai thakishe etu nemite manuh khan logot bahana kori thiboli mon thaka nai, William para kowa kotha toh newspaper para koishe. Newspaper para aro koishe ke, Prince William toh palace doctors para elaj kori thakishe aro government laga guidelines hesab te tai family ghor Anmer Hall, Norfolk te laga bohi thakishe. Khobor para aro kowa toh, April moina te Prince William para 13 telephone aro video call te kam thakishe, etu moina te tai virus bemari toh paikena thakishe. “William toh virus besi beya lakina thakishe, ta ke 6 paar toh keraishe. Ek paar toh tai saas loboli dhuk hoishe, tai laga osor manuh khan besi phui korishe” koikena The Sun para janaishe. March moina te tai laga baba Price Charles (71 umer) logot be coronavirus bemar paishe. Tai laga maiki Camilla, Duchess of Cornwall logot toh negative test paishe, hoilebi,tai khan ek ghor te alag-alag thakishe koishe.