Uttar Pradesh, 24 October : Ekta prisoner, police van laga pitor dey para tai laga dushman ke dhamki dishey ekta Facebook Live broadcast para kitia taike court dey lui jai thakishey. Itu ghatna toh Uttar Pradesh laga Mahoba district dey huishey. Itu police van, kuntu itu prisoner ke lui jai thakisheh, tatey ekta sub-inspector aro three constables thakishey itu time dey.
Itu video, kuntu social media dey viral jaishey, itu inmate para khula khuli dhamki dia dikhaishey tai laga dushman khilaf.
Lokendra alias Karatus Yadav, kun ke itia Mahoba District Jail ke rakhina asey, taike court dey lui jai thakishey ekta hatya laga case dey connection thakia karoney October 21 dey. Yadav toh criminal record thakishey, FIR number 251 logot kuntu Panwadi police station dey record kurina thakishey 2021 dey Indian Penal Code (IPC) laga kunwa section andar dey.
Court dey jai thakia raasta dey, Yadav para Facebook dey live-stream kurishey ekta mobile phone chulaina aro tai laga dushman khilaf dhamki dishey.
Jail Superintendent Shiv Murat Singh para janai dishey ki itu inmate toh itia alag case ekta face kuriwo itu ghatna dey tai mila mili thakia karoney. Itu police officers kun itu ghatna hui thakia homoi duty dey thakishey taikhan ke bhi suspend kuri dishey.
Add Comment