December 17, 2024: Actor Priyanka Chopra aro taila husband-singer Nick Jonas, recently, US deh wapas ahi nah ase, Saudi Arabia, Jeddah deh taka Red Sea Film Festival keh eki lokot attend kura piche deh. Taila Instagram deh jai nah, Priyanka para kun bah photos kan post kuri shae, taila kandan kan Christmas celebrate kurah.
First photo deh, Priyanka aro Nick Jonas, ekjun ekjun keh lean kuri nah smike kuri taki shae. couple tho ekta table deh bui taki shae, taikan laka sathi kan lokot deh. Table tho lal candles lokot deh decorate hui nah taki shae aro floral arrangements b taki shae picture deh, Priyanka tho lal aro buka dress ekta lakai taki shae. Tai ekta cute snowman headband b lakai taki shae. Alak side deh Nick tho ekta kala aro buka outfit lakai taki shae.
Priyanka para taila pet kuta kan b dikai shae. Ekta picture para Priyanka aro Nick laka maike bacha Malti Marie Chopra Jonas tho ekta cricket ball lokot deh kila dikai shae. Bacha tho picture deh kun bah games kan kileh taki shae. Ekta photo para Matli, ekta kah saman kushi para kah dikai shae. Last photo deh Nick tho snowman headband ekta lakai taki shae.
Priyanka aro Nick, agae deh taikan laka sixth wedding anniversary manai shae. Taikan Umaid Bhawana Palace deh shathi hui shae, December 2018 sal deh. January 2022 din deh, taikan para taikan laka maike bacha ahi shae kui nah announce kuri shae.
Add Comment