Priyanka Chopra aro Nick Jonas para Assam floods nemite donate kurishe

July 28, 2020. Assam floods para desh te manuh laga life aro saman beya kura nemite actor aro singer Priyanka Chopra aro Nick Jonas logot tangor bhapana kuri thishe koishe. Etu jamela nemite Priyanka Chopra aro tai laga mota Nick Jonas para Assam flood relief measures te donated kurishe aro tai khan laga fans ke be etu same motob tuh thiboli koishe. “etu samay, ami khan para Duniyaa te bemari thaka ke be sai-ase, Indian state laga Assam tuh aro tangor jamela te larai hoiase. Assam te tangor floods ahikena million neshina manuh khan laga jam tuh dhuk te ase” Priyanka, kuan Twitter te 26.3 million followers ase, tai Monday  din te janai thishe. “floods para life aro land/property beya hoikena thaka tuh bhapi boli naparai laga kotha ase. Floods para paani besi otha nemite Duniyaa te sobse bhal wildlife sanctuaries, Kaziranga National Park be paani para purtha hoikena ase”, koikena former Assam Tourism brand ambassador para koishe. “tai khan ami khan laga attention aro support be lage. Ami konuba organization khan para Assam te bahl kam kura details janai thishe aro Nick aro ami jun para be donation kurishe. Tai khan ke support kurikena kuan manuh khan motob lagi ase, etu manuh khan logot motob tuh thi-thakibo. #Assamfloods #PrayForAssam #AssamNeedsHelp @PRIYANKACHOPRA,” actor para koishe. Nick para be etu same kotha tuh tai laga social media account te janai thishe. Assam Disaster management Authority (ASDMA) laga latest flood report hesab te, State laga 22 district tuh aro be floods para affect hoikena ase. Sob melaikena 64 revenue circles pithor te 2,026 bosti tuh paani para flood hoikena ase. Assam floods para 1,09,236.62 hectares paani-keti aro 22,33,920 manuh affected hoikena ase. Etu pithor te aro 45,565 manuh khan flood para affect hoikena ase aro tai khan tuh Assam relief camps te thakiase koishe. Etai dak te flood para 102 manuh morikena ase.