December 30, 2023 : Congress laga leader Priyanka Gandhi Vadra para Saturday tey itu Centre ke slam kurishey, petrol aru diesel laga price khan over-he bishi hoa nimitey, itu allege kuri kena ki, itu government laga priority toh hoiley khali kunba billionaire khan laga pocket toh bhorta kuriboley he asey. ‘X’ tey Hindi para likhi kena ekta post tey koishey, itu Congress laga general secretary para koishey crude oil toh hoiley 29 percent para sosta hoi kena asey international market tey, jawa 19 muhina para.
“Tel laga company khan toh hoiley Rs 1.32 lakh crore profit kamai loishey, choi muhina bhitor tey para. Itu thik para kamaboley laga burden toh hoiley itya itu country laga manu khan ke didishey,” tai para allege kurishey.
Inflation toh hoiley peak tey asey, itu country tey, itu petrol laga price aru diesel laga price over he bishi hoa para, Gandhi para koishey.
“Garib aru middle-class manu khan tai khan laga ghor bhi chulaboley napari kena asey, hoilebi itu poisa bana manu khan toh jani kena nabuhe, tai khan eneka he looti asey garib aru middle class khan ke.
Add Comment