Pro Fitness Gym Wokha Para Voluntary Support Extend Kurishey, Exhumrhong Rehab Centre Karney, Fitness Training Nimitey

March 17, 2026, 8:06 PM: Pro Fitness Gym, Wokha para tai khan laga support extend kurishey, Ekhumrhong Rehab Centre, Yikhum Village ke, ekta physical fitness programme organize kuri kena, itu rehabilitation centre laga resident khan nimitey, March 16, 26 tey. Itu initiative toh hoiley hudai 30 din khan tey conduct kuriboley plan kurishey, itu centre laga recovery schedule laga part thaki kena.
Itu programme toh hoiley, manu khan kun ekta 45 din laga rehabilitation stay karney asey tai khan nimitey design kuria laga asey. 30 din laga treatment pichetey, fitness exercise khan toh hoiley alternative means laga engagement provide kuriboley karney introduce kurishey, participant khan ke relapse prevent kuriboley aru tai khan laga purana adat tey nadiboley karney. Itu recovery laga homoi tey, physical fitness toh hoiley vital hisap consider kurey, confidence building nimitey aru social stigma khan overcome kuria nimitey, itu para eneka nishina training toh ekta important component banai, rehabilitation laga.
Itya karney, 11 manu khan itu centre tey thaki asey, kunba khan juldi hey release kuriboley expect kuri thaki kena. Itu fitness session toh hoiley, Ekhumrhong Rehab Centre laga Director – Mhabemo Odyuo para lead kuria laga asey, kun toh hoiley itu group khan ke exercise through para guide kurishey, physical aru mental resilience duita tey bhi majbut kuriboley aim kuri kena.
Itu initiative toh hoiley ekta barit haka recognition reflect kurey, itu fitness laga role laga, rehabilitation tey, structured activity khan offer kuri kena, kuntu toh hoiley recovery support kurey, discipline instill kurey aru aru bhi healthy laga lifestyle khan encourage kurey.