March 12, 2024: India laka Hight Commissioner to Ottawa Sanjay Verma, business leader kan lokot deh interact kuri shae Edmonton deh. Edmonton tho Alberta province laka capital ase. Interaction kan hua time deh local law enforcement kan para pro-Khalistan supporters kan keh rukai di shae, kun event bia kuri bole koshish kuri taki shae.
Etu networking event tho Indo-Canada Chamber of Commerce (ICCC) para organize kuri shae aro event tho, separatist group Sikhs For Justice (SFJ) para target kuri shae, kun kan para protest tho kuri shae. Etu even deh 200 nishi nah invites kan attend kuri shae. Tateh para ekjun tho Edmonton Mayor Amarjeet Sohi ase. Tai tho ekta former Cabinet minister taki shae.
Ekta statement deh, Verma para etu kui shae “Pro-Khalistan elements kan event bia kuri bole koshish kuri shae, hoile b eku kuri bole para nai taikan”. Evario Events Center laka bahar deh 80 nishi nah protestors kan taki shae.
Threat tho diki nah, Royal Canadian Mounted Police (RCMP) kan diplomatic security karne responsibility lui shae. RCMP kan Edmonton Police Service lokot deh protesters kan keh pitor ahi bole rukai di shae.
Verma keh ekta security detail para venue deh escort kuri di shae aro etu eki security para taike safely ola bole di shae event kotom hua piche deh.
Add Comment