Noida, 2 February : Wrestling te, Haryana Thunders khan Pro Wrestling League (PWL) 2026 laga champions hoise, jitia last rati Noida Indoor Stadium te Delhi Dangal Warriors logot khub tight aru thrilling final kheli jeetise.
Aathta bout pichete score 4–4 hoi thakise, aru sob kisimor pressure last women’s 62 kg match uporte ahise. Tatey Paris Olympic silver medallist Iryna Koliadenko pressure majot ekdom bhal performance dikhai dise.
Tai laga strong technical superiority pora Haryana Thunders ke dramatic 5–4 jeet dise aru PWL 2026 laga title confirm korise. Itu league history te sobse intense finals khan majot ekta hoi thakise.
Delhi Dangal Warriors laga Turan Bayramov ke Player of the Tournament award dise, kelemane tai men’s 57 kg category te 7 pora 7 bout jeetise, aru PWL 2026 te total 59 points collect korise. Itu tournament te Punjab Royals laga Chandermohan highest point scorer ase.
Neha Sangwan (Haryana Thunders) ke Player of the Match dise, kelemane tai last bout tak final ke alive rakhibole parise. Ronak (Delhi Dangal Warriors) ke men’s 125 kg category te bhal performance karone Fighter of the Match dise. Impact Player of the Match award Akshay Dhere (Haryana Thunders) ke dise, men’s 57 kg category te strong performance diya karone.
Haryana Thunders laga itu title jeet pora PWL 2026 season sesh hoise — juntu drama, depth aru ekta bhal final pora bhorta thakise, aru sob bhabote expectations ke pura fulfill korise.
Add Comment