Mumbai, January 05: Mumbai, Filmmaker Dinesh Vijan, kun laga production banner Maddock Films tu 2024 te “Stree 2”, “Munjya” aro “Teri Baaton Mein Aisa Uljha Jiya” film box office te kamyab hoikina chulisey, tai para Sunday din te koisey Hindi cinema tu ekta “joldi sikhi luwa industry” asey. Aro etu nutun saal tu north laga filmmakers khan nimitey bisi bhal hobole asey.
Vijan tu tailaga nutun film “Sky Force” release kuribole kuri asey, kuntu tu India laga first aro etyatak lagasobsey jaanleva airstrike laga nokoikina thaka kahani asey koisey.
Olop din ageyte, Maddock Films para Vijan laga horror-comedy collection te nutun aro wapas aha title khan laga ekta list announce kurisiley. Kuntu te “Stree 3”, “Munjya 2”, “Shakti Shalini”, “Chamunda” aro “Pehla Mahayudh” shamil asey.
“Sky Force” laga trailer launch te, etu producer(Vijan) para 2024 te Bollywood laga performance eman bhal nathaka laga bari te koisey. Audience khan tu bisibhak Telugu films jaiseki “Pushpa 2: The Rule” aro “Kalki 2898 AD” faley interest jataisey, khali kunba hindi films ke charikina jaiseki “Stree 2”, “Bhool Bhulaiyaa 3” aro “Singham Again”.
Vijan para reporters khan ke koisey, “Utha aro nama tu hoithakey. Hoilebi apni sikhikina agey barithaka tak tu…ami hisap te film likha te bodli ahibo. Kotba amikhan laga takat tu etu asey ki amikhan jaboley ageyte ek-saal-adha maan likhey. Amikhan para projects khan ekey logotey dhalibole kosis nokorey. Etu saal, ami ke lagi asey, bisi bhaal hobole asey.”
Add Comment