February 11, 2024 : Itya ajikali laga tension khan hoi thaki kena pichetey, itu Diezephie aru Tsitrongse Bosti khan majetey, Chumoukedima district under tey, Saturday fujur tey, mati laga issue opor tey, Dimapur police laga Commissioner – Kevithuto Sophie para prohibitory order khan impose kurishey, Section 144 under tey, CrPC laga, 6:00 pm tey para, jawa kali February 10th, tey para.
Itu discord hoi kena thaka itu duita bosti majetey kitya para hoishey koiley, Saturday fujur tey hoa laga asey koishey, 9:00 baji phaney nishina tey, kutu hoa para toh, kunba property khan bhi biya kuria baji hoishey koi asey. Khobor hisap tey cemetery khan, bosti laga signboard khan, gate khan, market tey thaka chutu chutu sobji bika ghor khan, aru ghor khan julai diya khan laga, thakishey koi asey. Aru itu logotey, itu bhi khobor paishey ki, choita para saatha rounds nishina guli fire kurishey koi asey, 12 bore shotgun para.
Add Comment