Ghaziabad, 24 October 2024: Ghaziabad pra ekta property dealer taila dead body juli thaka gari te paishey, Nagla Nainsukh area te. Taila sati khan pra murai dishey koishey police khan pra Thursday din, October 24 te. Mura manu laka nam toh Sanjay Yadav ase, Nehru Nagar, Ghaziabad laka manu. Sanjay Yadav laka gari toh Nagla Nainsukh bosti laka osor te julai kina thakishey, Dadhari police station area, October 22 te.
Tai laka duita sati – Visha Rajput aro Jeet Choudhary ke dhuri loishey. Sanjay laka ghor manu pra police lokot complaint file kurishey aro koishey Sanjay Yadav toh tai laka duita sati lokot ghor pra olaishey.
Complaint laka hisap pra police khan duita sati la custody loishey aro olop deri hoina koishey taikhan pra Sanjay ke murai dishey, NDTV report kurishey.
Police khan pra koishey Vishal Rajput aro Jeet Choudhary Sanjay Yadav ke Monday din te lok paishey aro taikhan tinjun beer khaishey. Taike Nisha kura pichideh duijun pra taike kuta laka collar pra gola dapai dishey aro puisa, duita gold rings, gold chain aro bracelet chor kurishey.
Etu hoina taila body Toyota Fortuner te dhali khina sunsa jaka te jaishey. Taila body te petrol dhali kina jui julai dishey. Police khan chor kura saman b paishey accused khan laka haat pra.
Add Comment