Prosecutors kan para Diddy laka sex trafficking laka case deh video evidence kan pai shae

September 21, 2024: Legal experts laka isap deh, Sean ‘Diddy’ Combs laka sex trafficking case tho Nxivm sex cult leader Keith Raniere laka case lokot deh b bia hobo pareh kui shae, kun itia century laka upor sentence serve kuri ase, jail deh. Federal prosecutors kan para hip-hop mogul laka against evidence laka ekta treasure trove” pai shae. Enaka pah jai tho experts para etu conclusion tho ani shae. Experts para evidence deh taila alleged “freak Offs” laka videos kan takishae kui shae, kuteh Diddy para drug kura victim tho male prostitutes lokot deh sex kuri taki shae. Anthony Copozzolo, kun ekta former federal prosecutor ase, tai para etu kui shae,” Mui laka papna deh etu tho ekta kara case ban abo, kile koile prosecutors kan videos bishi laka kotha kuri shae.” Diddy laka federal court papers tho etu hapta public banai di shae, kuteh taila alleged “freak Offs” leh bishi par mention kuri shae.Alak former federal prosecutor, Rahmani para etu kui shae,” etu case deh video evidence kan bishi ase aro etu tho bishi bhal ase kile koile, witness kan misa kobo pareh hoile b video tho kitia b misa naku bo. Victim laka testimony tho video para verify kureh aro etu tho bishi kara ase,” NY Post para report kura isap deh.