Protects khan Manipur rock kurishey, CM kin aro ministers khan laka ghor hamla kurishey

Guwahati, 17 November 2024: Manipur’ laka vally districts te Saturday din te jakara hoishey, protestors khan ministers aro MLA khan lala property julai dishey aro ghor khan hamla kurishey Imphal te. Six manu laka body paishey- three maiki aro three bacha laka, Barak nodi te, jakara hwa jaka Jiribam te two din par hoi kina. Security forces khan manu khan ke khitabo koshis kurishey, tai khan Chief Minister N Biren Singh laka khali ancestral ghor Imphal bahar te target kuri thakishey. State government khan Imphal East, Imphal West aro Bishnupur District te curfew imposed kurishey 4:40 pm pra aro internet, mobile data bon kurishey Imphal East, Imphal East, Bishnupur, Thoubal, Kakching, Kangpokpi aro Churachandpur te  hate speech rukhabo leh aro social media te video toh najabo leh. Body toh six inmates laka suspect kuri ase, displaced Meitei manu laka camp pra, tadeh laka osor te security forces khan pra 11 Hmar manu ke murai dishey November 11 te. Forces khan pra koishey mura manu khan toh militants ase hoileh b kuki-Zo community khan pra koishey etu toh civilians khan thakishey.