Protesters khan Union Minister lah khor dae kusiwoley koshish kurishey

Delhi, June 16: Eku manu lah group kae booked kuri kina asey Union Minister of Education Dharmendra Pradhan lah khor dae kusiwoley koshish kura karney, officials pra etu Saturday dae koishey. Section 188 lah under dae ekta case register kurishey South Avenue Police station dae, Thursday, taikhan pra etu koishey. FIR lah hisab pra, 20 manu nishina  teenta jarta gaari dae ahishey aro Union minister lah residence bahar dae jama kurishey – House number 19, Kushak Road, South Avenue dae. Etu protestors khan National Students Union of India (NSUI) lah pamphlets thuri thakishey, etu pra koishey, add kuri kina ki kunba mediapersons bhi utu sport dae present thakishey hoina. Police pra eu protestors khan kae janai dishey ki CrPC lah section 144 tho utu area dae impose kurishey aro taikhan thatey jama kuirwoley nepariwo hoilibhi taikhan solgans uthawoley taikhan kae rukhai dia nai, etu FIR pra etu janai dishey.