Protestors khan wapas ahishey Istanbul laka rasta te dangor rally karne

Istanbul, 30 March 2025:  Hundred thousands  pro-democracy demonstrators khan wapas Istanbul, Turkey laka rasta te ahishey support dikha boleh city laka jailed mayor nimite. Ekrem Imamoglu, kun ke president Recep Tayyop Erdogan laka main rival nishina dikhi, taike dhuri shey corruption laka charges opor te last week, etu pra massive protest spark kuri shey. Tai pra charges toh deny kureh aro koishey tai laka arrest toh politically motivated ase. Saturday din laka crowd toh eman dangor thaki shey taikhan protest laka jaka pra olai shey neighbouring park te. Imamoglu laka Republican People’s Party (CHP) laka chairman pra demonstrators khan ke addressed kuri shey, letter puri shey jailed opposition politician pra kun ke solitary confinement te dhuri kina ase. Protestors khan turkey laka red aro white flag toh waved kuri shey aro “Rights, law, justice koina hala kuri shey.