April 20, 2024 : First phase laga voting toh chuli thaka homoi tey, itu Lok Sabha election khan nimitey, proxy voting kuria laga khobor paishey, Ghaspani – II AC laga polling station para. Khobor hisap tey itu GB para toh hoiley itu observer ke khidaishey, Kutoho Chishi koi kena kun toh hoiley Dimapur district Congress President asey aru itu itu polling agent ke aru phat para itu matter ke toh hoiley itu police observer ke report kurishey. Itu matter laga opor tey, Kutoho Chishi para itu gahtna hoa laga opor tey clarify kurishey.
Tai para koa hisap tey, tai khan laga polling agent thakani koi asey, utu polling agent toh hoiley government laga ID card bukhi kena tai khan ke puzzle khilaishey koishey. Tai para presiding officer ke hudishey, tai khan laga polling agent kot asey koi kena, tai para koa hisap tey presiding officer para itu agent ke dikhaidiboley paranai, eneka koilebi, Kutoho para koishey tai khan sapha sabhi party laga ID card asey, utu toh thakanai, tai koishey itu hudiley bhi Officer toh eku clear kuria nai.
Add Comment