Paris: Lampa football kahani dhakiya Neymar laga Paris Saint-Germain pora olai jaa rukhai dibole napariya laga kodha pora lampa kahani ke last te kinika hari jaa laga experiment mehsos kuribo koi kena bon hoi ase.
2017 te France te ahi kena world-record transfer PSG te bonabole omit dhakiya pora tai ke Barcelona te Lionel Messi laga shadow biche te olabole omit kurise aro Ballon d’Or chitibole omit dhakise.
27 umar forward brilliant player ase kobole toh eku doubt nai, aro tai pora kheta laga phabna toh kamiyab hobole moka ase – Spain te wapas ahi kena, tai laga burana club hoile bhi Real Madrid te hoile bhi.
Hoile bhi, biswas kuribole sob matlab ase ki Kylian Mbappe-led PSG, aro general te France laga football khan last te tai nadhaki kena phal hobo koi kena.
Parc des Princes te jai kena, tai laga club match half te khili kena ase.
Tai khiliya somopy te toh tai ektam phal dhakise, tai pora 58 game te 51 goals score kuri kena ase, hoile bhi tai ektam matlab somoy te toh dhakiya nai.
Champions League knockout matches jarta pora tai dhing jokom pai kena teenta miss kurise. Tai nudhaki kena, club pora last 16 te Real Madrid ke 2018 te harise aro Manchester United ke etu sal harise.
“Moi Neymar ke khushi pai, moi tai aro Kylian aro sob logot eksat khili dhakibole mon jai,” coach Thomas Tuchel pora jowa habta te koise.
“Hoile bhi hosa toh Moi khan bina ‘Ney’ te solutions olabole lage. Neymar ke hari kena aro tai pora kuriya nishena kuriya manu pabole dictary ase.”
Mbappe pora bhi koise ki “bina Neymar, eki team nahobo,” hoile bhi PSG khan balance team rakhi kena improve kuribole pare.
Centre-back Abdou Diallo, midfielders Ander Herrera, Pablo Sarabia aro Idrissa Gueye khan ahise.
Add Comment