Legends El Classico Derby Mumbai te hobo

Mumbai, 06 April 2025: Saturday din Mumbai te Spain striker Fernando Morientes hasi kena koise, “Moi 25 ase,” jintu tai laga 48th birthday thakise. Tai logot thakise Portugal defender Pepe, Brazil World Cup winner Edmilson aru Argentina forward Javier Saviola. Etu to “Legends El Classico Derby” laga olop din age te thakise press conference te. Sunday din DY Patil Stadium, Navi Mumbai te Real Madrid aru Barcelona laga former players laga Legends El Clasico match hobo, etu ke promote koribo karone press conference thakise. Morientes koise, “Football player hoile bhi, moi ajitu match olop relax thakibo, hoilebi Real-Barca laga rivalry hotai thakibo.” Pepe bhi koise, “Aji match exhibition ase, hoilebi Real jitibo lage, karon Barca ajikali besi jitiase.” Pepe koise, “Mourinho aru Guardiola time te match bishi heated thakise, players, coach, Messi aru Ronaldo majot fight bhi thakise, hoilebi fans karone beshi exciting thakise.” Saviola koise, “Argentina te River Plate aru Boca Juniors laga rivalry ase, kintu Barca-Real match world laga ekta dangor match ase. Moi bacha time te family logot boi kena bishi sai kurithakise.” Edmilson bhi koise, “Players khan Brazil-Argentina match para Barca-Real match te hi bhal khile nishina ase.” Match to friendly te ase, hoilebi players laga heart te rivalry etya para zinda ase. Old players khan laga team bus te updated photo ase, buka juli aru wrinkle bi ase, hoilebi face to etya bi familiar ase. Match ekta nostalgic moment ani laga ase, juntu taikhan 25 years old thakise aru world ke dominate kurithakise.