PSG League 1 title jitiloishe, 6 match bachi kena

Paris, 06 April 2025: Saturday din Paris Saint-Germain (PSG) laga team Angers ke 1-0 harai dishe, aru 13th Ligue 1 title jiti lobo parise, Parc des Princes stadium te. Etu match jiti PSG six match baki thaka time te he champion declare hoise, aru season te ek par bhi hara nai. PSG total 28 match te 23 jitise, 80 goal score kurise aru 26 goal concede kurise. Match laga ekla goal 55th minute te Désiré Doué volley mari kena score kurise, Khvicha Kvaratskhelia laga cross para. Qatari owners QSI 2011 te PSG kena para, etu PSG laga 11th Ligue 1 title hoise. Total club laga 13th title ase, first duita title 1986 aru 1994 te ahise.  Match pichite Coach Luis Enrique ke staff khan uthai kena celebrate kurise. Enrique koise, “Fans khushi ase, aru amikhan bhi title gift dise. Club already bishi achievement ase, kintu amikhan laga aim hoise beautiful football khelibo aru trophies jitibole.” PSG team pura stadium round gurise, aru fans logot celebrate kurise. PSG second domestic double jiti paribo. French Cup final May 24 te Reims logot khelibo.  Saturday te, PSG struggle kurise karon Angers ekta relegation battle te ase. Aru etu karone Angers khan mon di kena khilishe.   First half te Vitinha laga ekta shot Angers goalkeeper Yahia Fofana bhal para save kurise. Top scorer Ousmane Dembélé second half te ahise,Hoilebi score kura nai. Next match te PSG Aston Villa logot Champions League quarterfinal khelibo, Wednesday, Paris te. Captain Marquinhos etu match te suspend ase.