December 12, 2025: Paris Saint- Germain’s team laga bus opor teh hamla kureshe manu para. pathor khan phekai thaeshe koishe bus laga opor teh. Bus toh team khan laga hotel bahar teh thakeshe koishe. Etu toh tai khan laga Champions League match Athletic khan logo teh khelei piche teh hoishe koishe. Club laga manu para koishe ki manu bus laga betor teh kumbe thakei nai koishe. Hamla homoi teh. Glass khan kum ba crack hoishe koishe. Aro local police para dua jun ke dureshe.
PSG laga player aro staff khan airport thik para punchishe koishe. Aro Paris karne olai jaishe Thursday morning teh. Manu kumba para koishe ki PSG khan legal action lobole be chance ase koishe.
Wednesday te Athletic aro PSG khelei she. Aro utu match te tai jun be goal ekta be goshai nai. Aro draw hoi jai she. Duata team be goal net laga phane beshi bar marei she. Hoilebe duata team laga goal keeper be beshi bhal para khele kena ball rokhabole pareshe. Athletic khan utu match jetebole lagei thakeshe playoffs teh jabole. Hoilebe parenai. PSG khan etia third teh ase. Aro etu league laga phase teh tai khan duata match khelebole bache kena ase.
Add Comment