Kohima, 23 November: Hornbill Music Festival deh Grammy Winner Pt. Vishwa Mohan Bhatt para perform kuribole ase.
Task Force for Music & Arts (TaFMA) para khobor janaideya toh, Bhatt para December 2 direk Raj Bhavan Kohima deh Handshake Concert lobole laga ke perform kuribo.
Pt. Vishwas Mohan Bhatt be December 3 direk Jotsoma, Kohima deh RCEMPA lobole laga ke perform kuribole ase. November 27 direk para entry passes toh RCEMPA, Jotsoma para lobo parae.
Ami khan laga times deh Pt Vishwa Mohan Bhatt toh greatest misicans majode ekta ase. Tai para duniya deh Indian Classical Music toh popularize korise. Tai motob deya toh ektum kaam laga ase. Tai laga notun instrument Mohan-Veena deh ‘gayki’ aro ‘tantrakari’ thaga para alak bonai thakae.
Pt Vishwa Mohan Bhatt ke samaan pai kena thaga toh Padma Bhushan, Padma Shri, Grammy aro Sangeet Natak Academy awards ase. Music Scientist, Rashtriya Tansen Samman, Tantri Samrat, Rajasthan Ratna and global music awards (tuo-par) toh tai ke paise.
Add Comment