March 08, 2024 : Public Officials laga Awareness Cum Training loishey, National Clean Air Programme under tey, kuntu toh hoiley District Administration, Dimapur para organise kurishey, kuntu toh hoiley Lotha Hoho Ki, Dimapur para 8th March, 2024 tey loishey.
Dimapur laga ADC – Mhalo Humtsoe para tai laga keynote address tey koishey ki, Dimapur toh ekta highly industrial city nathakilebi, bishi majetey duita non -attainment city khan asey air pollution laga, Nagaland tey aru itu toh hoiley serious threat asey itu manu khan nimitey. Tai para state kurishey ki, Dimapur tey, itu air pollution laga asol sources khan toh, raasta tey para ula dust para, gari para ula emission khan, pathor khan mihin kuria para ula emission khan aru letra maika plastic khan julai thaka para asey. Tai para aru- koishey ki, itu toh hoiley itu sob department khan laga responsibility asey, aru itu saath saath public khan laga bhi responsibility asey itu effort tey part loboley, hawa laga pollution toh komti kuriboley, Dimapur tey.
Itu technical session laga homoi tey, Mvudzeviu Shuya, Scientist ‘B’ (NPCB) para highlight kurishey ki, Dimapur aru Kohima toh hoiley Non- Attainment city laga under tey giri asey, itu Government of India para janaishey, pollutant limit khan paar kuri diya para, national average para bhi bishi hoi jawa para, itu paachta consecutive saal khan tey.
Add Comment