PM Modi para Silvassa jaga deh jama howah public khan logode kowah toh, ami corruption deh khara korikena thaga para konbah manu logode gusha hoise. Kelay koile ami para public poisa loot hobole thaga ke rokhaideya karni. Tai khan mahagathbandhan bonaishe. Prime minister para kowah toh, Opposition alliance toh najetibo. Etu Mahagathbandhan toh tai ekala ke kelaaf howah nahoi kena desh laga manu khan logode be kelaaf howah ase koise.Silvassa, Dadra aro Nagar Haveli jaga deh PM Modi para foundation stone toh medical college nemide thalise.
Government para pari thaga ke PM Modi para kowah toh, dukhiya manu khan nemide khor bonabole wada kori thaga toh jaija 4.5 sal time para ektum phalse jai ase.
Kolkata deh alag-alag opposition leaders toh BJP logode kelaaf koribo karni dangor rally loise. 20 national political leaders para be besi- H D Deve Gowda, purana Union ministers Yashwant Sinha, Shatrughan Sinha aro Arun Shourie; tin-par ajikali laga chief ministers Arvind Kejriwal, Chandrababu Naidu aro H D Kumaraswamy; aro purana chief ministers Farooq Abdullah, Omar Abdullah, Akhilesh Yadav aro Gegong Apang be meeting deh kotha korishe. Congress nemide Mallikarjun Kharge aro Abhishek Manu Singhvi khara kora thakishe.
Add Comment