February 26, 2026: West Bengal laga Mushidabad tey Police para Thursday tey ekta notice serve kurishey, Raihan Ali ke, kun toh hoiley suspend-hoi kena thaka Trinamool Congress MLA laga son-in-law aru anata Unnayan Party (JUP) laga founder -Humayun Kabir ke notice serve kurishey, itu Narcotic Drugs aru Psychotropic Substances (NDPS) Act laga under tey, tai ke February 28 tey ahiboley koi kena.
Itu toh hoiley, itu police para 14 property khan aru 15 bank account khan seize kuria pichetey hoa laga thakishey, Ali logotey link thaka laga, tai laga baba -Shariful Islam aru Humayun Kabir laga chukri-bacha – Nazma Sultana ke link thaki kena, February 8 aru 9 tey, itu NDPS under tey, count orders pichetey, ekta 2025 case tey.
Kabir kun toh hoiley, TMC para suspend khai kena asey, itu ekta mosque tey foundation stone dhala nimitey, Ayodhya laga Babri Masjid bhangai diya pichetey, December 6 tey aru JUP launch kuria pichetey, Thursday laga police action para describe kurishey itu toh ekta “Conspiracy” asey koi kena.
Add Comment