May 07, 2025, 05:13 PM: Itu Pughuboto laga Sub-Divisional Planning aru Development Board (SDPDB) tey muhina laga meeting loishey, DB Hall tey, May 6th, 2025 tey, itu MLA & Chairman SDPDB Dr. Sukhato A Sema laga chairmanship under tey, tatey ADC & Vice Chairman Tiameren Chang bhi logotey thaki kena.
Itu meeting laga highlight toh hoiley, teenta school khan laga felicitation kurishey – Government High School Lazami, New Foundation School, aru Mission School laga, 100% result khan achieve kuria nimitey, itu ajikali HSLC examination 2025 tey.
Itu exemplary academic performance laga recognition tey, itu Board para itu school laga dedication ke commend kurishey, education karney aru tai khan laga contribution acknowledge kurishey, itu academic standard khan uplift kuria tey, itu subdivision tey.
Itu meeting tey SDPDB Educational Trust Fund spotlight kurishey, ekta muhina laga contribution board member khan para initiative loa laga, kuntu para toh hoiley free admission enable kurishey parishey, student khan nimitey, Class 9 para 12 tak nimitey, Pughoboto Higher Secondary School tey.
Itu effort khan toh hoiley student khan laga enrolment ke boost kuriboley aim kuria laga thakishey, aru quality education access kuriboley, itu region tey.
Dr. Sukhato A Sema para itu SBI Pughoboto brance operationalize kuriboley laga importance emphasize kurishey, financial access improve kuriboley, itu subdivision tey. Tai para direct kurishey ki, sob government department account khan toh hoiley itu local SBI branch tey para tak juldi para transfer kuri loboley karney. Tai para active promotion kuriboley bhi koishey, itu Central Government’s Senior Citizens’ Savings Scheme laga, local bank khan para, elderly citizen khan ke.
Add Comment