Puja Khedkar tho ‘out of reach” ase

July 24, 2024: Trainees IAS officer Puja Khedkar, kun bureaucrat taki nah taila power misuse kuri shae kui nah controversy deh pasi nah ase, tai, taila deadline miss kuri shae, Lal bahadur Shastri National Academy of Administration deh report kuri bole. Puja tho Tuesday din deh trainee IAS Academy deh report kuri bo leh laka ase, hoile b kuri bole para nai, NDTV para report kuri shae. Union Public Service Commission (UPSC) para taila against ektc criminal case file kura piche deh Puja Khedkar tho reportedly ‘out of reach’ ase. Puja, tai taila civil service laka application deh facts kan falsify kura karne UPSC para taila against ekta criminal case file kuri nah ase. Khedkar laka phone tho report isap deh , switched off ase aro civil service lokot deh kotha kura nahoi. 2023 batch laka trainee IAS officer tho allegedly, taila documents manipulate kuri shae, UPSC examinations tho bishi par dibo karne. UPSC para Khedkar laka against ekta show cause notice issue kuri nah ase, taila selection cancel kuri bole.  July 23 deh, tai, IAS academy deh report kuri bole order kuri nah taki shae, hoile b eku notice nadi nah tai aha nai. Delhi Police para itia trainee IAS laka against ekta case file kuri nah ase.