Pujenvong FC Para Jeetiloishey, 16th Saramati Soccer Championship 2025 Tey

January 17, 2025, 05:29 PM: Itu 16th Saramati Soccer Championship 2025, kuntu toh hoiley itu “Victory through Teamwork” under tey organize kurishey, itu toh hoiley 17^th January, 2025 tey khotom hoishey, Kiphire laga Pungro laga Public ground tey para.

Pujenvong FC  para Trophy toh jeeti loishey aru team Tsuwong FC para Runners up hisap ulaishey. Itu trophy toh hoiley, itu Saramati Nexus para organize kuria laga thakishey, itu Youth Resources & Sports, Government of Nagaland laga Department logotey.

Itu khotom kuria laga ceremony grace kuri kena, special guest hisap thaki kena, Youth Resources & Sports, Nagaland laga Advisor – S Keoshu Yimkhiung para exhort kurishey aru koishey ki, sport kuria laga talent toh hoiley ene “Time Pass” koi kena bhabana kuriboley nalagey, hoilebi thik para organize thakiboley lagey dedication logotey aru promote kuriboley laga objective bukhi kena aru itu sob jawan football player khan ke ekta platform diboley karney, itu area tey. Tai para itu player khan ke encourage kurishey, tai khan laga skill khan talent khan opor tey focus kuriboley koishey.

Tai para itu bhi state kurishey, ki, sports toh hoiley ekta vision asey, fitness culture aru health awareness promote kuriboley, itu tobacco khan khawa-chulawa laga practice aru unwanted substance toh khotom kuriboley, jawan chukra chukri khan bhitor tey aru opportunity khan provide kurey, player khan ke, itu aru bhi high level khan tey khiliboley karney. Tai para itu bhi koishey ki, eneka nishina program toh hoiley, itu player khan nimitey raasta khuli diye, agey ahiboley aru participate kuriboley sport khan tey.

Throngso K para presidential address deliver kurishey, aru itu homo itey, Hosito Elias, Convener, Mini Hornbill festival 2025 para aru Additional Director, Youth Resources & Sports, Nagaland para khata speech khan deliver kurishey. Lensola para special number present kurishey. Itu program toh hoiley, Saramati Nexus Club laga General Secretary – Adelin para chair kurishey, aru Fr. Peter Pithungo, Parish Priest, St. Parish Pungro para invocation prathana kurishey.