‘Punchi bo napareh jaka nai’: Netanyahu para warning Iran keh warning di shae

September 29, 2024: Saturday din deh Israeli Prime Minister Benjamin Netanyahu para Middle East aro Iran deh ekta jaka b nai kui shae, kuto Israel laka arms kan punchi bole napari bo. Tai para etu warning tho Iran keh di shae, taikan laka country upor deh hamla kan hui shae koile tho. “Manu ekjun apni keh mura bole uthi shae koile tho, apni tai keh first murai di b. Khali, Israel laka state para arch-murderer Hassan Nasrallah keh hatai di shae,” Netanyahu para kui shae. Tai para Israel kan Hezbollah laka accounts lokot deh itia settled kuri di shae kui shae, Israeli aro alak country laka manu kan keh bishi murai dia karne. Tai para Nasrallah keh “the terrorist” mati shae aro “khali alak ekta terrorist” nahoi kui shae. Tai para Nasrallah tho Iran’s axis of evil laka main engine ase kui shae, West Asia deh. Netanyahu para Nasrallah tho Iran laka chief architect taki shae kui shae, Israel keh “destroy” kuri bole plan deh. Islamic regime aro taikan laka allies kan anti-people ase kui nah dika bole karne, Netanyahu para etu kui shae,” Manu kan kun axis of evil keh oppose kureh, manu kan kun Iran laka dictatorship aro Lebanon, Syria nishi nah jaka deh taka proxies pitor deh fight kuri ase, taikan aji taikan hope pai nah ase. Mui utu country laka manu kan keh etu kuia se” Israel kan apni lokot deh ase aro Ayatollah laka regime keh mui etu kibo: Manu kan kun mukan keh strike kuri bo, mukan taikan keh strike kuri bo. Iran aro Middle East deh ekta b jaka nai, kuto Israel laka lamba hath punchi bole napari bo. Aji apni kan puila para he janeh, etu tho husa ase kui nah”.