August 24, 2024: Ekta private helicopter, kuto Mumbai para Hyderabad deh jai shae taki shae, Pune laka Pune bosti deh crash hui jai shae Saturday din deh, PTI para report kuri shae.
Helicopter deh manu kan sob crash para baji jai shae, kuto Paud laka osor deh hui shae. Taikan hoile b jokom kan kai shae, ekta police official para kui shae.
“Pune district laka Paud bosti osor deh ekta private helicopter crash hui jai shae. helicopter tho ekta private aviation company laka taki shae. Helicopter tho Mumbai para Hyderabad deh jai shae aro helicopter deh char jun bui taki shae. Jokom laka assessment tho sai ase,” Pankaj Deshmukh, superintendent of Police para ANI keh kui shae.
August 7 din deh b, ekta helicopter, Nepal laka mountain deh crash hui jai shae. Ekta PTI report laka isap deh, charta mota aro ekta maike muri jai shae, crash deh.
Charta manu aro ekta maike laka bodies tho wreckage para tani shae, Krishna Prasad Humagai, Nuwakot district laka government administrator para kui shae. Police aro army rescuers kan utu jaka deh punchi shae aro tuita helicopter keh b patai shae, operation deh assist kuri bo karne, official para kui shae.
Crash site tho Suryachaur jaka deh ase, kuto Kathmandu laka northwest jaka deh ase aro ekta mountainous jaka deh ase.
Add Comment