Pune: Maike para tuita co-passengers keh assault kuri shae

August 19 2024: Boarding process taka time deh ekra maike para allegedly, tuita co-passengers aro ekta CISF constable keh assault kura karne taike hatai di shae. Etu Incident tho Pune laka Lohegaon airport deh hui shae, Saturday din deh. Maike tho ekta private airline board kura time deh achanak seh temper hari jai shae, 7L45am pahle. Flight tho Pune para Delhi jabo taki shae, The Times of India para report kuri shae. First deh, maike para ekta dada aro buni keh hamla kuri shae, kun kan taikan laka allotted seats deh bui taki shae. Situation bia hui jah tho, crew members kan ahi jai shae aro tuita CISF constables, Priyanka Reddy aro Sonika Pal keh dispatch kuri di shae.  CISF constables kan tho situation keh defuse kuri bole karne aha asem hoile b etu nahoi nah utu maike laka aggression keh uthai di shae. Maike tho gusa deh Priyanka Reddy deh slap aro bite kura shuru hui shae. Last deh, constable tho maike keh restrain kuri bole pari shae aro tai aro taila mota keh flight laka bahar deh escort kuri bole pari shae. Taike airport police keh di di shae aro taila against ekta case register kuri nah ase. Maike tho ekta homemaker taki shae aro taila mota tho ekta software engineer taki shae. Taijun tho ekta funeral keh attend kuri bo karne Delhi deh jai taki shae.