Agencies, 13 May: Bollywood actress Jacqueline Fernandez toh Covid pandemic samai motob lakiya khan ke motob debo nemite actively kaam kori thakise. Actress para be tai laga foundation YOLO kowa suru korise. Etu suru kora toh motob debole nemite ase. Wednesday te Pune Police para actress ke tai laga selfless contribution nemite thanks janaishe.
Pune Police para tweet te @Asli_Jacqueline ke tai laga dangor motob Pune Police Foundation te deya nemite thanks janaishe. Tai laga morom motob para tai khan laga team toh etu pandemic te frontline te duties perform kori thakibole lamba jabo koise. Jacqueline para jawab te tai frontline te ektum dukh para kaam kori thaka @PuneCityPolice ke salute korisearo etu dekthari samai ami khan eki logote ase koise.
Olob din agae IndiaTV logote interview deya samai Jacqueline Fernandez para tai laga foundation You Only Live Once (YOLO) suru kora janaishe aro tusara khan ke motob debo nemite manu khan ke key motob debo janaideya aro pandemic samai positive thakibole samjaideya thakise. Actress para be etiya desh toh ektum putli para jai ase koise. Ami khan hotai beya khobor honi ase aro dekthari laga situation ase koise. Hoilebe tai positivity aro unity dekhi ase koise.
Add Comment