Pune Porche accident: Teen para 300 word essay submit kuri shae, road safety deh

July 5, 2024: Pune Porche accident, kuto May 19 din deh hui shae, etu accident para tuijun manu keh murai di shae. Aro 17 sal laka minor, kun etu accident deh allegedly involve ase,  tai para ekta 300 word essay submit kuri shae, road safety deh. Etu essay liki b kwa tho Juvenile Justice Board (JJB) para dia ase bail condition deh. May 19 deh, teenager kun mutu kai nah taki shae, tai para ekta Porche gari chulai nah, tuita software engineers, Aneesh Awadhiya aro Ashwini Koshta keh lakai di nah murai di shae. Etu incident hua piche deh, JJB para mota tho, taila baba, ama aro bura baba aro ama laka supervision pitor deh taki bo kui shae. JJB para aro minor keh, ekta 300-word essay liki b kui shae, road safety deh. Incident, kuto Pune laka Kalyani Nagar jaka deh hui shae, etu pata ekta nationwide outrage trigger kuri shae, minor keh lenient terms pitor deh bail grant kura piche deh. Etu outrage hua piche deh, police kan para bail order deh amendment mangi shae aro May 22 deh, taikeh ekta observation home deh pata bole order di shae. Teen laka ama, baba aro bura ama, baba keh b arrest kuri di shae, evidence bia kuri bole koshish kura karne. Baba aro bura baba keh tho piche deh bail grant kuri di shae, July mohina deh.