January 10, 2024 : Pungro laga monthly Sub-District Planning & Development Board (SDPDB) meeting thakishey Cultural Hall, Pungro para January 9, 2024 tey. Meeting led kurishey S. Kiusumew Yimchunger, Advisor for Fire & Emergency Services, Home Guards & Civil Defence, Relied and Rehabilitation. Itu meeting tey present thakishey Vekusheyi Rakho Vice Chairman ADC Pungro aru EAC Yitachu Thur.
Meeting shuru kurishey ADC Vekusheyi Rakho, laga welcome note para, tai members khan ke gratitude express kurishey aru ideas khan share kurabaji kuriboley karney sob members khan ke encourage kurishey. Advisor S Kiusumew para emphasized kurishey meeting tey regular attend kura laga importance aru urge kurisey members khan ke actively participate kuriboley aru fail nakurikena present kuriboley. Meeting start hoishey purana agenda laga review kurikena aru discussion tey covered kurishey present aru upcoming projects aru plans khan karney.
EAC Yitachu Thur para proposed kurishey notun agenda, SDPDP Conference Hall laga construction karney. SDPDP laga meeting piche tey, Advisor para sob members khan ke meal khaelaishey.
Itu piche tey Pungro Sub-Division laga Heads of Offices meeting thakishey Cultural Hall para itu 75th Republic Day celebration karney preparation, workload distribution, aru strategic planning khan discuss kuriboley karney, itu celebration toh successful banaboley karney.
Add Comment