Chandigarh, November 6 : Enforcement Directorate (ED) para Monday din te Punjab Aam Admi Party (AAP) MLA Jaswant Singh Gajjan Majra ke bank fraud case te investigation kora laga connection te arrest kurisey.
Sources para koisey ki Enforcement Directorate laga team para Jaswant Singh ke Malerkotla koikina ekta jaga para arrest kurisey aro taikey sawal kuribole nimitey Jalandhar jaga te loijaisey.
Punjab laga Amargah jaga laga etu MLA ke ekta public meeting te thaka homoitey arrest kurisey.
Juwa saal, Central Bureau of Investigation (CBI) para etu AAP MLA laga ghor aro alag jaga jaiseki office khan te raid kurisiley.
CBI para raid kora tu ekta bank fraud case te investigation kora laga hisa thakisey kuntu te komsikom Rs 41 crore poisa shamil asey. Etu nutun mamla para Punjab te rajneetik jhamila chuli thaka ke aro baraidisey, kotey BJP para Kejriwal sarkar laga khilaf te power laga galat istamal kora laga iljam lagaikina protest kuri asey.
CBI para raid kora homoitey, komsikom Rs 16.57 lakh cash, 88 dusra desh laga notes(poisa), bisi property khan laga document, bisi alag alag bank account aro alag shhak koraidiya laga document paisey. Enaka iljam lagai asey ki etu mujrim khan para loan luwa tu taikhan para kinimitey cholabo lagey etu karney cholanai.
Gaunspura koikina ekta jaga te thaka ekta private company laga khilaf te ekta case register kurisey. Aro etu logotey etu company laga former director, ekta private company guarantor, alag private company aro nachina sarkari kaam nohoilebi private kaam kora manu khan laga against te bi ekta case register kurisey.
Enaka iljam lagai asey ki D.O.S.E Rice Bran, D.O.S.E Mustard Cake, Binola Cake, mokai, barley aro alag kha luwa saman khan para 2011 aro 2014 laga majotey 4 bar bank para loan loisey.
Add Comment