Punjab, 23 June 2025: Ekta 45 saal property dealer tai laka maiki aro bacha ke goli mari kina murai dishey aro nijor ke murai dishey gari bitor te bosti osor te Punjab laka Patiala district te Sunday din te, police pra koishey. Aro koishey hatsa toh suicide nishina ase. Ekta pistol paishey gari pra.
Victims toh Sandeep Singh Rajpal, property dealer Sector 109 pra Mohali te identified kuri shey. Tai laka maiki Mandeep Kaur (42 saal) aro taikhan laka 15 saal bacha Abhay Singh. Preliminary investigation pra suggest kureh ki Rajpal toh tai laka maiki aro bacha ke murai dishey Toyota Fortuner te, tai nijor ke namura agae te. Authorities laka hisap te, Abhay Singh toh mental health challenges lokot struggle kuri thaki shey.
Farmers khan gari nahili kina parked kura dikhi shey kheti te aro khun kuri kina bodies khan victim laka bitor te Chhngera bosti osor te aro police khan ke janai dishey, kun olop deri hoi kina jaka te punchi shey. Ekta team DSP Rajpura Manjit Singh, Banur SHO Arshdeep Sharma, Investigation officer Hardev Singh, ASI Jaswinder Pal aro forensic team khan jaka te investigation launch kuri shey.
Add Comment