Punjab te notun Covid hoshari neum junaishe

New Delhi: Thursday din te Captain Amarinder Singh-led Punjab government para notun Covid hoshari kam te dosura state para aha manuh aro social events nemite hokom junaishe. Notun hoshari kam te, dosura states manuh via road aro flights para aha nemite 72 hours major te RT-PCR report thakiboli lage nahoile tai khan toh full vaccine loikena thakiboli lage koikena janaishe. Social events thakai samai, ghor pithor te 150 manuh oper jama nakoribo aro bahar kula jaga te 300 oper manuh nathakiboli lage. Etu notun hoshari hokom toh September 15 darik para soruh koriboli janaishe. Dosura khobor ekta te Gyms, cinema aro restaurants te 50 percent capacity te kulibo. Wednesday din Punjab te 38 notun COVID-19 cases thurishe, etu melaikena bemari cases toh 6,00,651 hoikena ase aro etu samai 1 jun mora melaikena 16,434 manuh morikena ase. Sangrur jaga ekla te mora khobor thakishe  koishe. Manuh mora pithor te tui(2) jun toh olop din akhe samil nakorikena thakishe. Itya dak te active cases toh 330 te ase, koikena bulletin para janaishe. Notun cases pithor te, Mohali te 6 cases ase aro Ferozepur te 5 cases aro Ludhiana te 4 cases ase koishe. Twenty-eight manuh bemar bhal hoishe, etu mealikena 5,83,887, manuh bemar bhal hoikena ase, bulletin para aro janaishe. Chandigarh te aro tuita(2) cases khobor thakishe, etu melaikena coronavirus cases toh 65,108 ase, koikena health bulletin hesab te khobor toh janaishe. 31 umer ek jun mora melaikena 814 jun morikena ase koishe. City te itya dak active cases toh 37 ase aro etu samai 64,257 manuh bemar bhal hoikena ase, bulletin para aro janaishe.