Mumbai, March 14: Ekta mashoor actor aro filmmaker, Deb Mukherjee tu March 14, 2025 te Mumbai te murijaisey. Tailaga umar tu 83 years thakisey. Mukherjee khandan laga ekta dangor member, Deb Mukherjee tu purana jamana laga filmmaker Sashadhar Mukherjee laga chokra thakisey aro Bollywood laga cultural aro artistic nature ke ban ate tai para ekta jaruri role nibhaisey. Tai famous director Ayan Mukerji laga baba bi thakisey.
Deb Mukherjee laga acting career tu 1969 te Sambandh film logotey suru hoisey. Etu picheyte tai bisi successful film jaiseki ‘Ek Baar Muskura Do’ aro ‘Jo Jeeta Wohi Sikandar’ te acting kurisey. Aro enaka kurikina nijor ke film industry laga ekta izzadar actor banaisey. Hoi, tai laga role khan tu main nohoikina supporting role thakisey hoilebi etu laga bawajut tai para tailaga performance logotey ekta lamba homoi tak yaad rakhibole laga impact banaisey. Tailaga career tu biis saal chulisey. Aro ‘Do Aankhen Barah Haath’ aro ‘Baaton Baaton Mein’ nisna film te tailaga kaam tu yaad rakhibole laga asey.
Deb Mukherjee tu actor Joy Mukherjee aro Shomu Mukherjee laga kokai asey aro famous actress Kajol aro Rani Mukherjee laga uncle asey. Tai tu director Ashutosh Gowariker laga father-in-law asey aro tailaga chokra Ayan Mukherjee tu ekta successful filmmaker asey kun ‘Wake Up Sid’ aro ‘Yeh Jawaani Hai Deewani’ nisna film direct kora nimitey jana jai.
Tai tu bura-buri hoija picheyte ola bimar para murisey. Tai murija para Mukherjee parivar aro film industry ke hilaikina rakhidisey. Tai mora laga news para bisi manu ke shock kuridisey kilemaney etu toh Holi laga tyohar chulithaka homoitey hoisey. Tailaga family laga spokesperson para Friday phujur te tai murija laga khbor disey.
Tailaga antim sanskar tu Juhu, Mumbai laga Pavan Hans crematorium te hoisey. Mukherjee family laga members aro bisi Bollywood celebrity khan para tailaga antim-sanskar attend kurisey.
Add Comment