May 5, 2021. Malankara Mar Thoma Syrian Church laga former head aro India tesobse lamba kam kora bishop Dr Philipose Mar Chrysostom toh Wednesday din 103 umer te morishe koikena church spokesman para janaishe. Tuesday din Mar Chrysostom toh Thiruvalla te hospital para discharged hoishe aro tai Kumbanad osor private hospital te 1.15 samai morishe, spokesman para koishe. Mar Chrysostom toh religious dignitary aro humanitarian global vision manuh thakishe, Chrysostom logot President Ram Nath Kovind para 2018 saal te Padma Bhushan award thishe. Tai para dukhai manuh nemite social, economic aro cultural oper te projects besi bonaikena kam korishe. Tai toh Karthikappally te April 27, 1918 te jonom paishe aro tai laga baba laga missionary kam kora toh tai oper te ahishe. Chrysostom toh Union Christian (UC) College, Alwaye para graduation hoishe aro tai missionary kam kushi powa nemite 1944 saal te Church Deacon hoishe. 9 saal thaka beche 1953 saal te tai Bishop paishe. Etu beche Mar Chrysostom toh 1999 saal te Malankara Mar Thoma Syrian Church laga Metropolitan hoishe. Tai 68 saal bishop thakishe. Tai logot neum bhal thaka nemite bishop kora samai tai oper te manuh khan besi para tai laga kotha bhal laki thakishe. Tai laga kotha aro neum oper te books aro documentaries besi olai-kena ase.
Add Comment