Purana BJD Lawmaker thurise

PHULBANI, ODISHA, OCTOBER 9 : Purana Biju Janata Dal (BJD) MLA toh Monday din thura huise. Kele tai pora maiki 1 jun aro etu maiki laga amma ke mara karne. Etubi Kandhamal District te koi kena, Police kan Odisha laga Phulbani te pora janaise.Etu MLA laga naam toh Devendra Kanhar koi kena mati. Aro tai thura toh Andhra Pradesh state te maiki pora FIR thala bejete thura laga ase. Etubi Phulbani Sadar Police Station, September 2 te koi kena, Superintendent Police, Kandhamal laga Prateek Singh pora janaise.Huilebi etu kan sob ke MLA Devendra Kanhar pora toh mesa ase. Aro tai etu chamala nemite tai neju ene rokhijai kena (surrendered) thaka laga ase. Aro tai etu chamala hua bejete bolaijai kena thaka nai koi kena janaide thakise.FIR hisabte etu maiki pora toh tai aro tai laga amma ke marise aro nahua kam kuride kena besi diktar dese koi kena janaise. Etubi Goudasahi, Phulbani Town te koi kena etu SP Prateek Singh pora janaise.  Aro khobor hisabte bi etu bejete MLA laga Sex Video bi Social Media te sob ulaijai kena thakise koise