Purana CBI Director Ranjit Sinha morishe

NEW DELHI:Purana Director of Central Bureau of Investigation (CBI) Ranjit Sinha toh Friday pujur te morishe koishe, tai laga toh 68 umer te morishe. “Sinha toh 1974 saal laga batch IPS officer thakishe. Friday pujur 4:am samai, tai laga ghor te last saas loishe,” koikena khobor ekta para janaishe. Hoilebi, khobor para aro koishe ke, tai mora khobor toh clear thaka nai. Ranjit Sinha  toh December 2012 para December 2014 saal dak CBI Chief thakishe aro tai para alag-alag kam te senior posts thurikena ahishe,etu oper te Indo-Tibetan Border Police (ITBP) Director-General be thakishe, koikena khobor para janaishe.