Purana Indian captain Sardr Sing retire hoise

Agencies, 12 September: International hockey de 12-sal thaga bechide purana India Hockey captain Sardar Singh toh Wednesday din retirement janaideya thakise. News agencies PTI logode etu 32-sal khelari pora kowah toh, India khan Asian Games de beya pora kheli kena Bronze medal jeta bechide tai (captain Sardar Singh) laga career pora olaijabo karni manise (decision) koise. Hockey legend captain Sardar Singh pora kowah toh, tai international hockey pora retire hobole manise koise. Tai hockey de ektum kheli loise aro 12-sal hocky kheli thaga toh ektum lamba din ase koise. Etya tai agae generation de time debo lagibo koise. Singh pora aro kowah toh tai etu mana (decision) toh tai laga khor manu, Hockey India aro tai laga sati khan logode kotha kora bechide mana laga ase koise. Tai laga hesab de, hockey de chari-kena agae life de habuna koribole bhabuna kori ase.  2008 Sultan Azlan Shah Cup de lead kora time de Sardar Singh toh India team laga captain majode sobse horu sala wala thakise. 2012 time de tai Arjuna awardpowah thakise aro Padma Shri toh 2015 de powah thakise. Tai India nemide Olympics de tui-par hesha lowah thakise.