Purana World champion boxer Amir Khan kuishe taikhe chor kurishe London teh gunpoint para Monday din teh.Khan 35 saal kuishe tai ar tai laka maiki Faryal jokom hoa nai etu hatsa piche, tateh tai laka watch chor huishe kuishe duijun manu gunpoint para.
Tai laka watch loishe gun point teh East London, Leyton teh kuishe British fighter tweet kurishe.
Tai rastah par kurishe Faryal lokot, osorit para tai maiki tai laka piche teh thakishe. Duijun mota tai lokot polaina ahina tai laka watch magishe bondok tai laka matha teh dhalina. Sobse bhal toh tai jun bi jokom khanai kuishe.
Metropolitan Police kuishe, Police khan khe matishe 21:15 Monday April 18 High Road Leyton teh.
Mota ekta 30 saal nishena teh duijun mota bondok luina maribole kuishe tai laka watch chor kurina napola ageh teh. Tateh eku report painai bonduk mara laka aro jokom khaina thaka laka kuishe.
Police khan ahina area toh bisarishe. Etu homoi teh kun khebi dhuribo pareh nai. Investigation shuru kurishe aro police khan enquiry kureh ase kuishe.
Khan , Purana WBA aro IBF light welterweight champion, Briton Kell Brook para harai dishe sixth round teh Manchester Ferbraury moinah teh.
Add Comment