Agencies, 04 July: Sunday te Pushkar Singh Dhami para Uttarakhand laga 11th chief minister nemtie wada loise Raj Bhawan jaga te. Tai nemite oath of office Governor Baby Rani Maurya para administered korise. 45 omar te, Dhami toh state laga sobse horu omar chief minister hoise. Satpal Maharaj, Harak Singh Rawat, Banshidhar Bhagat, Yashpal Arya, Bishan Singh Chuphal, Subodh Uniyal, Arvind Pandey, Ganesh Joshi, Dhan Singh Rawat, Rekha Arya, aroYatishwaranand toh Dhami laga notun cabinet te ministers hisab te wada loise. Notun chahera para wada kora toh thaka nai.
Saturday te Uttarakhand BJP legislature party para Dhami ke toh notun leader hisab te juna thakise, Tirath Singh Rawat ke hatai kena kelay koile Rawat para constitutional dekthari janai kena resignation deya nemite. Dhami toh Khatima para tui par MLA ase.
Sunday te Dhami toh former chief minister aro Tirath Singh Rawat ke lok kora thakise. Tai para be former chief minister Trivendra Singh Rawat ke tai laga Defence Colony residence te mata thakise.
Dhami toh 2012 para tui par terms nemite Uttarakhan assembly te Khatima seat para represent korise. Khatima toh Uttarakhand laga Kumaon region para Udham Singh Nagar district te ase.
Kanalichina te ex-armyman laga ekta family para jonom howa Dhami toh Maharashtra Governor aro former Uttarakhand chief minister Bhagat Singh Koshyari logote close ase mani. Dhami laga agae te besi challenge toh ase aro etu opor te ahibole laga election nemite tai daiyar koribo lakibo.
Add Comment