Russia, 4 January : President Vladimir Putin para ekta decree issuw kurishey Thursday dey kuntu para foreign national khan kun Russia karney Ukraine dey ladai kurey, taikhan ke nijor karney aro taikhan laga khantan karney Russian citizenship luwoley di asey.
Itu order kuishey ki manu khan kun itu contracts sign kurishey, itu homoi kuntu Moscow para itu laha “special military operation” madi asey Ukraine dey, nijor karney aro taikhan laga spouse, bacha aro maa paap karney Russian passports luwoley parey. Taikhan para documents diwo lagey kuntu para dikhai ki taikhan kom se kom ek saal karney sign up kurishey.
Eligible hua khan toh utu manu khan milaina asey kun para regular armed forces nahuiley alag “military formations” logot contract sign kurina asey- ekta description kuntu Wagner mercenary organisation nishna groups khan ke apply kuribo paribo.
Moscow para foreigners khan kiman taikhan laga side karney Ukraine dey ladai kuri asey taikhan laga data toh publish nakurey. Huilewi, Reuters para jaa par Cubans dey report kurishey kun itu military karney sign up kurishey bonuses karney kuntu 100 par average Cuban mahina laga dhankwa logot bishi wala asey, aro three Africans ke Wagner para recruit kurishey, kuntu para tuijun toh action dey murishey.
Ekta declassified US intelligence report para assess kurishey ki itu Ukraine war toh Russia ke 315,000 jun jaan jaa aro jokum hua dami huishey, nahuiley kitia itu ladai shuru huishey itu para luina taikhan thakia 90% personnel, ekta source para Reuters ke jaa mahina kuishey.
Russia para ekta extra 300,000 manu draft kurishey September 2022 dey itu laga agey mobilisation dey World War Two para luina. Persistent speculation thakina ahi asey ki itu para unpopular move toh repeat kuribo parey, March dey ahia presidential election piche dey kutey Putin toh ekta notun six-saal term dey jawoley asey.
Add Comment