New Delhi, March 15: Russian President Vladimir Putin para Friday din te Ukrainian sena ke etya larayi chuli thaka Kursk jaga te surrender kuribole koikina taikhan ke eku harm nukuribo aro bhal para treat kuribole kosom khaisey. Tailaga para etu request tu enaka homoitey kurisey jitya Ukraine laga President Volodymyr Zelenskyy para Russia ke bar-bar ceasefire laga kotha chulithaka te badha ana laga iljam lagaisey.
Etu majotey, US President Donald Trump kun etu duita desh(Russia aro Ukraine) majotey larayi khotom kuribole laga kosis te shamil asey, tai pata Putin ke Ukraine laga soldier khan ke eku nukuribole koisey aro enaka nukurisey koiley humanitarian crisis olabo koikina warn kurisey.
Putin para T.V. te dikha ekta speech te enaka koisey, “Amikhan President Trump laga kotha tu bujiasey.” “Judi taikhan para taikhan laga hathyar felaikina surrender kurisey koiley, taikhan ke pura guarantee para jibon aro izzadar treatment dibo.”
Trump para Truth Social te ekta statement te enaka koisey ki Ukrain laga sena khan tu “pura taraf para Russian military para surround kurikina thaka aro bisi biya aro risky position te asey.”
Tai para enaka bi likhisey, “Ami para President Putin ke taikhan ke morai nidibole request kurisey. Etu toh ekta bisi khatarnak massacre(matlab ekbar te bisi manu ke moraidiya) hobo, kuntu toh World War II pichey para nidikhikina asey.”
Putin aro Trump para kuwa laga bawajut, Ukraine laga military leadership para taikhan ke Russia laga military para surround kurikina thaka laga kotha tu manible inkar kuridisey.
Ukraine laga General Staff para social media te enaka koisey, “Amikhan laga unit ke surround kurikina thaka laga khatra nai.”
Add Comment