Russia, 14 March 2025: Russian President Vladimir Putin pra koishey tai agreed kureh ceasefire laka idea lokot Ukraine te, hoileh b questions khan bachi kina ase truce laka nature opor te kileh maneh tai diktar conditions khan hali kina ase. Russian president toh 30 din ceasefire laka plan ke jawab di thaki shey, kun toh Ukraine khan earlier etu week Manzur kuri shey US lokot khota kura pichideh. Ukrainian president Volodymyr Zelenskyy pra Putin laka jawab plan ke “manipulative” koina described kuri shey aro bishi sanctions nimite koishey Russia opor te. Etu hwa time te, US khan further sanctions hali shey Russia laka oil, gas aro banking sectors te. Russian officials khan pra koishey Putin ke expect kuri shey talks kuribo leh ceasefire opor te Thursday din saam te US president Donald Trump laka special envoy Steve Witkoff lokot kun Moscow te jaishey earlier etu din deh.
Echa b clear nai meeting toh lubo nanai. Friday din te, Russia’s state-run media pra air traffic monitoring website Flightradar quote kuri kina koishey plan kun toh Witkoff he bhukhi ase etu toh Moscow chari kina olaishey. Moscow aro Washington toh etu issue opor te echa b comment kuri nai. Late Thursday din te aro overnight, Russia aro Ukraine duijun b nutun enemy drone hamla report kuri shey. Ukraine pra koishey satha manu- bacha khan ke milai kina- jokom hoishey north-eastern city Kharkiv laka. Russia pra dangor jui report kuri shey oil facility te Tuapse laka southern city te. Moscow te news conference te khota kura time te Thursday din te, Putin pra ceasefire proposal koishey: “Idea toh thik ase- aro moikhan b support kureh- hoileh b questions ase kun toh discuss kuribo lagibo”.
Add Comment