Russia, 22 April 2025: Russian President Vladimir Putin pra signalled kuri shey tai open ase bilateral khota kuribo leh Ukraine leader Volodymyr Zelenskyy lokot first time nimite war laka early stages hoi kina. Russian State TV ke Monday din te khota kura time te, Putin pra koishey Russia khan hotai positively saishey kila peace initiatives hoileh b. Moikhan hope kuri ase Kyiv regime laka representatives khan b enika he lagibo. Kremlin spokesperson Dmitry Peskov pra koishey Putin laka comments to ekta willingness dikhai shey direct talks kuribo leh Ukraine lokot civilian targets khan ke hamla nakuribo opor te. Zelenskyy direct Putin laka comment opor te jawab d nai. Hoileh b koishey Ukraine khan kila khota karne hoileh b tayar ase kun toh civilians khan laka safety ensure kuribo.
February 2022 pra duita sides laka bitor te eku direct khota hwa nai kicha Russian khan taikhan laka full-scale invasion launch kurai shey Ukraine laka. Interfax news Agency ke comments te, Peskov pra koishey, Kicha president pra koishey civilian targets khan ke hamla nakuribo leh issue opor te khota kuribo leh paribo, bilaterally milai kina, President toh negotiations aro discussions thaki shey tai laka dimak te Ukrainian side lokot. Tai laka nightly video address te, Zelenskyy pra koishey Ukraine khan clear jawab lageh Russia pra taikhan manibo nanai civilians infrastructure opor te hamla toh rukhabo leh.
Etu time te, jakara toh hoi thaki shey overnight drones laka hamla reports lokot Odessa laka port city te. Local authorities khan koishey tinta manu jokom hoishey raid te, tadeh jui khan juli shey aro residential buildings khan ke nuksan hoishey. Ukraine khan schedule ase US aro European countries khan laka talks te hisa lubo leh.
Add Comment